Azərbaycanda bəzi kənd təsərrüfatı məhsullarının topdansatış qiymətlərində sentyabr ayında kəskin dəyişikliklər qeydə alınıb. Xüsusilə zoğal və pomidorun bəzi növləri üzrə qiymət artımı diqqət çəkib.
Monetar.az xəbər verir ki, Aqrar Tədqiqatlar Mərkəzinin məlumatına görə, 2026-cı ilin sentyabrında yerli zoğalın bir kiloqramının topdansatış qiyməti avqust ayındakı 1,10 manatdan 3,90 manata yüksəlib. Beləliklə, bir ay ərzində 254,5% bahalaşma qeydə alınıb.
Pomidorun bəzi növlərində də kəskin artım müşahidə olunub. Çəhrayı pomidorun topdansatış qiyməti 1 manatdan 2,75 manata yüksələrək 175% artıb. Şəmkir pomidorunun qiyməti isə 65 qəpikdən 2,10 manata çatıb. Bu, 223,1% artım deməkdir.
Bununla yanaşı, bəzi məhsulların qiymətində əks istiqamətli dəyişiklik baş verib. Yerli qozun bir kiloqramının topdansatış qiyməti 9 manatdan 4 manata düşərək 55,6% ucuzlaşıb. Balqabağın qiyməti 41,1%, qarpızın qiyməti isə 30% azalıb.
Beləliklə, sentyabr ayında kənd təsərrüfatı məhsullarının topdansatış bazarında həm kəskin bahalaşma, həm də ucuzlaşma qeydə alınıb.
