Birbank kiberdələduzluğa qarşı
Rusiya benzin ixracına qadağanın müddətini uzatdı
28 Avqust 2025
08:53
Rusiyada benzin qiymətlərinin artması səbəbindən hökumət benzin ixracına tətbiq edilən qadağanı uzadıb.
Rusiya hökumətinin yazılı açıqlamasına görə, daxili bazarda vəziyyəti sabitləşdirmək məqsədilə benzin ixracına qoyulan qadağa oktyabrın 31-dək uzadılıb. Qərar istehsalçı və istehsalçı olmayan bütün şirkətlərə şamil edilir. Bununla belə, oktyabrın 1-dən etibarən istehsalçılar üçün məhdudiyyətlərin aradan qaldırılması planlaşdırılır.
Qeyd edək ki, qiymətlərin rekord səviyyəyə çatması ilə əlaqədar benzin ixracına ilkin qadağa iyulun 28-dən avqustun 31-dək müvəqqəti olaraq tətbiq edilmişdi. Lakin qiymət artımı davam etdiyi üçün qadağanın müddəti uzadılıb.
Ölkədə benzin qiymətlərinin artmasının əsas səbəbləri neft emalı zavodlarının pilotsuz uçuş aparatlarının (PUA) hücumlarına məruz qalması və xüsusilə kənd təsərrüfatı sektorunda artan tələbatdır.
Dünyanın ən böyük enerji ixracatçılarından biri olan Rusiya ildə 40 milyon tondan çox benzin istehsal edir.
MONETAR.AZ
