Azərbaycanda qızıl istehsalı
Dünya bazarında mis ucuzlaşdı
9 İyul 2025
13:56
London Birjasında (LME) misin tonu 2900 dollarlıq rekord səviyyəyə çatdıqdan sonra bu gün cüzi enişlə 2 734 dollar səviyyəsinə geriləyib. Bu dəyişikliklər ABŞ Prezidenti Donald Trampın mis idxalına tətbiq ediləcək gözləniləndən yüksək, 50 faizlik gömrük tarifi barədə verdiyi açıqlamadan sonra baş verib.
Trampın bu bəyanatından sonra Nyu-Yorkda misin qiyməti 17 faiz artaraq bütün zamanların ən yüksək səviyyəsinə çatmışdı, lakin bu gün səhər saatlarında 4 faizdən çox eniş yaşanıb.
Qlobal ticarət gərginliyinin artması səbəbindən investorlar yeni mövqelər açmaqda ehtiyatlı davranırlar. Analitik Hebge Çenə görə Trampın tez-tez təkrarlanan təhdidləri bazarda istiqamətsizlik və qeyri-müəyyənlik yaradır. Çen bu vəziyyəti "hər kəs dumanlı bir meşədə yolunu itirib" cümləsi ilə ifadə edib.
Tramp Cənubi Koreya və Yaponiyaya göndərdiyi bir sıra xəbərdarlıq məktublarından sonra idxalata qarşı aqressiv vergi planları olduğunu bildirib. O, həmçinin mis və dərman məhsullarının idxalına yeni yüksək dərəcəli tariflərin yolda olduğunu açıqlayıb. Dərman istehsalçıları üçün isə xaricdəki istehsala tətbiq olunacaq 200 faizlik verginin ən azı bir il təxirə salına biləcəyini qeyd edib.
MONETAR.AZ
