Ehtimal olunan qiyməti 1.141.737,32 AZN olan satınalma müsabiqəsi 13 fevral 2025-ci il tarixində elan olunmuşdu. Təkliflərin təqdim olunması və zərflərin açılışı 2 aprel 2025-ci il, saat 17:00-da nəzərdə tutulmuşdu.
Agentlik tərəfindən planlaşdırılan xidmətlər aşağıdakı ölkələrdə təbliğat və şəbəkələşmə tədbirlərini əhatə edirdi:
- Hindistan, Pakistan, Özbəkistan, Qazaxıstan, Belarus, Cənubi Koreya, İndoneziya, Sinqapur və Malayziyada yol şouları (B2B tədbirlər)
- Hindistanda seminarlar və şəbəkələşmə görüşləri
Lakin tenderin nəticəsi olaraq təqdim edilən təkliflərdən heç biri şərtlər toplusunun tələblərinə uyğun olmadığı üçün qiymətləndirmə mümkün olmayıb və satınalma proseduru 36.1.2-ci maddəyə əsasən rəsmən ləğv edilib.
Qanunvericiliyə əsasən, “Dövlət satınalmaları haqqında” Qanunun 36.1.2-ci maddəsi bildirir ki, əgər təqdim olunan təkliflərdən heç biri satınalma predmeti üzrə hazırlanmış şərtlər toplusunun tələblərinə cavab vermirsə, həmin tender müsabiqəsi etibarsız sayılır və ləğv edilir.
MONETAR.AZ
