Azərbaycanda qızıl istehsalı
Düyünün qiyməti qlobal maliyyə sistemini sarsıda bilərmiş
8 İyul 2025
17:27
Yaponiyada yüksələn düyü qiymətləri ölkəni qida böhranı ilə yanaşı, siyasi və qlobal maliyyə riskləri ilə üz-üzə qoyub.
İqtisadi Tədqiqatlar İnstitutunun məlumatına gör, 2023-cü ilin yayındakı həddindən artıq istilər və yanlış kənd təsərrüfatı siyasətləri düyü istehsalını kəskin azaldıb, nəticədə qiymətlər bir ildə 2 dəfəyə yaxın artıb.
Artan qiymətlər Baş Nazir Şigeru İşibanın iyul ayında keçiriləcək seçkilər öncəsi mövqeyini zəiflədib. Mütəxəssislər xəbərdarlıq edir ki, hökumətin dəyişməsi dünyanın ən borclu ölkəsi olan Yaponiyanın istiqraz bazarında ciddi sarsıntılara səbəb ola bilər. Bu isə domino effekti yaradaraq qlobal maliyyə sisteminə yayıla biləcək bir böhranın başlanğıcı ola bilər.
ABŞ-ın Yaponiyaya Amerika düyüsü idxal etməsi üçün təzyiq göstərməsi də vəziyyəti daha da gərginləşdirir. Bu, iki ölkə arasında ticarət müharibəsinə çevrilə biləcək ciddi gərginlik mənbəyidir. Vətəndaşlar artıq düyü əvəzinə daha ucuz alternativlərə yönəlir, hökumətin müdaxilələrini isə seçki öncəsi "makiyaj" hesab edirlər.
Mütəxəssislər düyü böhranının sadəcə bir qida problemi olmadığını, siyasi sabitlikdən tutmuş qlobal maliyyə sisteminə qədər geniş təsir dairəsinə malik olduğunu vurğulayırlar.
MONETAR.AZ
