Birbank kiberdələduzluğa qarşı
Rəqəmsal Azərbaycanda kağız tələb edən universitetlər
28 Avqust 2025
16:19
Bu gündən etibarən universitetlərə qəbul olan tələbələrin qeydiyyatı başlayıb. Mövcud qaydalara əsasən, qeydiyyat yalnız Elm və Təhsil Nazirliyinin (ETN) portal.edu.az platformasında elektron formada aparılmalıdır. Lakin bu il də bəzi universitetlər elektron qeydiyyatla yanaşı, kağız sənədlər tələb edir.
Azərbaycan İnternet Forumunun prezidenti Osman Gündüz bu sahədə vəziyyətin ötən illə müqayisədə xeyli yaxşılaşdığını bildirib. Onun sözlərinə görə, əksər aparıcı universitetlər artıq kağız sənədlərdən və paralel qeydiyyatdan imtina ediblər. Hətta bölgələrdə yerləşən bir çox universitet də qeydiyyatın yalnız elektron sistem vasitəsilə aparılması barədə elanlar verib.
Osman Gündüz qeyd edib ki, universitetlərin səlahiyyətli əməkdaşları yeni tələbələr haqqında bütün məlumatları Nazirliyin elektron sisteminə daxil olaraq rahat şəkildə əldə edə bilirlər.
Bununla belə, hələ də paralel qeydiyyat aparan və kağız sənədlər tələb edən universitetlər mövcuddur. Osman Gündüz həmin təhsil müəssisələrinin siyahısını açıqlayıb:
-
Azərbaycan Dövlət Pedaqoji Universiteti
-
Xəzər Universiteti
-
Azərbaycan Memarlıq və İnşaat Universiteti
-
Azərbaycan Tibb Universiteti
-
Azərbaycan Dillər Universiteti
-
Qərbi Kaspi Universiteti
-
Azərbaycan Dövlət Aqrar Universiteti
-
Azərbaycan Turizm və Menecment Universiteti
-
Dövlət İdarəçilik Akademiyası
-
Bakı Biznes Universiteti
-
ADA Universiteti (3 pilləli qeydiyyat tələb olunur)
