Azərbaycanda qızıl istehsalı
"Unibank"ın İdarə Heyətinin sədri vəzifədən getdi
8 İyul 2025
15:23
“Unibank” ASC-nin İdarə Heyətinin sədri Fərid Abuşov işdən çıxıb.
Məlumata görə, "Unibank"ın səhmdarlarının qərarına əsasən, onun vəzifəsini müvəqqəti olaraq müavini Heybət Qədirov icra edəcək. O, 2008-ci ildən Bankda çalışır.
Xatırladaq ki, “Unibank” 2002-ci ildə Azərbaycanın iki kommersiya bankı - 1992-ci ildən fəaliyyət göstərən "Mbank" və 1994-cü ildən mövcud olan "Promtexbank"ın birləşməsi ilə yaradılıb. Onun nizamnamə kapitalı 149,386 milyon manatdır. Bankın səhmlərinin 94,08 %-i Eldar Qəribova (Müşahidə Şurasının sədri), 5,92 %-i isə digər hüquqi və fiziki şəxslərə məxsusdur.
MONETAR.AZ
