Azərbaycanda 2026-cı ilin yanvar-oktyabr aylarında istehlak malları və əhaliyə göstərilən ödənişli xidmətlərin qiymətləri ən çox Naxçıvan şəhəri, Lerik, Qobustan və Şabran rayonlarında artıb.
Monetar.az Dövlət Statistika Komitəsinə istinadən xəbər verir ki, ötən ilin müvafiq dövrü ilə müqayisədə ölkə üzrə istehlak malları və xidmətlərin qiymət indeksi 5,6% təşkil edib.
İqtisadi rayonlar və inzibati ərazilər üzrə göstəricilərə nəzər saldıqda, ən yüksək qiymət artımı Naxçıvan şəhərində qeydə alınıb. Burada istehlak malları və xidmətlər 8,8% bahalaşıb.
İkinci yerdə 7,9%-lik artımla Qobustan rayonu qərarlaşıb. Şabran rayonunda qiymətlər 8,3%, Lerik rayonunda 8,5%, İsmayıllı rayonunda 7,8% artıb.
İlk onluqda yer alan digər rayon və şəhərlər isə aşağıdakılardır:
- Naxçıvan şəhəri – 8,8%;
- Lerik rayonu – 8,5%;
- Şabran rayonu – 8,3%;
- Qobustan rayonu – 7,9%;
- İsmayıllı rayonu – 7,8%;
- Goranboy rayonu – 7,4%;
- Kürdəmir rayonu – 7,4%;
- Cəlilabad rayonu – 7,3%;
- Ağcabədi rayonu – 7,2%;
- Samux rayonu – 7,2%.
Qeyd edək ki, Bakı şəhərində ötən ilin yanvar-oktyabr ayları ilə müqayisədə istehlak malları və xidmətlərin qiymətləri 4,7% artıb. Bu göstərici ölkə üzrə orta səviyyədən 0,9 faiz bəndi aşağıdır.
Ən aşağı qiymət artımı isə Xızı rayonunda qeydə alınıb. Burada illik bahalaşma 3,4% təşkil edib. Yardımlı rayonunda bu göstərici 3,5%, Balakən rayonunda isə 3,8% olub.