Birbank kiberdələduzluğa qarşı
Afrika ABŞ-a arxa çevirir: Ticarət yolları Çinə uzanır
28 Avqust 2025
08:46
Hazırda dünya ticarətində mühüm dəyişikliklər yaşanır. ABŞ-ın Afrika ölkələrinə qarşı tətbiq etdiyi gömrük rüsumları nəticəsində qitənin ticarət əlaqələri Çinə doğru yönəlib.
Tramp administrasiyasının Afrika ölkələrinə tətbiq etdiyi tarifələrdən sonra ABŞ-dan gələn sifarişlər azalıb, lakin qitənin Çinlə ticarəti illik müqayisədə 25 faiz artaraq 122 milyard dollara çatıb. 1,5 milyard əhalisi olan qitəyə bu il digər böyük bazarlara nisbətən daha sürətli ixrac artımı müşahidə edilib.
Statistikaya əsasən, 2025-ci ilin 7 ayı ərzində ixracın həcmi 2020-ci ilin bütün satışlarını üstələyib. Afrikada Çin məhsullarının ən böyük alıcıları Nigeriya, Cənubi Afrika Respublikası və Misir olub. Bu ilin 7 ayında Afrikaya ixrac edilən tikinti maşınları illik müqayisədə 63 faiz artaraq ən sürətlə böyüyən məhsul qruplarından biri olub. Sərnişin avtomobillərinin tədarükü əvvəlki illə müqayisədə iki dəfədən çox artıb, bəzi polad məhsullarında isə yüksək ikirəqəmli artım qeydə alınıb.
Bununla belə, Afrikanın Çinin ümumi ixracındakı payı hələ də 6 faiz təşkil edir. Bu göstərici ABŞ-ın payının yarısına bərabərdir.
MONETAR.AZ
