Birbank kiberdələduzluğa qarşı
Nvidia hesabatı bazarları qarışdırdı: Proqnozlar niyə üst-üstə düşmədi?
28 Avqust 2025
08:50
ABŞ-ın aparıcı çip istehsalçısı "Nvidia" 2026-cı maliyyə ilinin ikinci rübü üzrə maliyyə hesabatını açıqlayıb. Şirkətin gəlirləri gözləntiləri üstələyərək 46,7 milyard dollara çatsa da, məlumat mərkəzi gəlirləri proqnozlardan bir qədər aşağı olub.
Hesabat dövründə "Nvidia"nın səhm başına xalis mənfəəti ötən ilin eyni dövrü ilə müqayisədə 1,04 dollara yüksəlib ki, bu da analitiklərin 1,01 dollarlıq proqnozunu geridə qoyub. Şirkətin ümumi gəliri ötən illə müqayisədə 56 faiz artaraq 46,7 milyard dollara yüksəlib. Bu rəqəm "Bloomberg"in 46,2 milyard dollarlıq proqnozunu üstələyib. "Nvidia"nın xalis mənfəəti də 59 faiz artaraq 26,4 milyard dollara çatıb.
Məlumat mərkəzi gəlirləri illik müqayisədə 56 faiz artaraq 41,1 milyard dollara yüksəlsə də, proqnozlaşdırılan 41,2 milyard dollardan bir qədər aşağı olub. Hesabatda qeyd olunub ki, ikinci rübdə Çinə "H20" çipi satılmayıb. Şirkət növbəti – üçüncü rüb üçün təxminən 54 milyard dollarlıq gəlir gözlədiyini açıqlayıb. Analitiklərin proqnozu isə 53,4 milyard dollar təşkil edirdi.
MONETAR.AZ
