Ət və süd məhsulları rekord həddə bahalaşdı:

Ət və süd məhsulları rekord həddə bahalaşdı: FAO rəqəmləri açıqladı

28 Avqust 2025 09:12

Birləşmiş Millətlər Təşkilatının Ərzaq və Kənd Təsərrüfatı Təşkilatının (FAO) məlumatına görə, qlobal ərzaq qiymətləri 2025-ci ilin iyun ayında əvvəlki aya nisbətən artıb.

AZƏRTAC xəbər verir ki, iyun ayında FAO-nun Ərzaq Qiymətləri İndeksi orta hesabla 128.0 bənd təşkil edib. Bu, may ayına nisbətən 0.3%, ötən ilin eyni dövrü ilə müqayisədə isə 6% artım deməkdir.

İndeksdəki əsas dəyişikliklər belədir:

Ət məhsullarının qiymətləri may ayına nisbətən 1.1%, bir il əvvələ nisbətən isə 6.7% bahalaşıb.
Süd məhsullarının qiymətləri may ayına nisbətən 0.6% artıb. İllik müqayisədə isə bu artım 20.7% təşkil edib.
Bitki yağları may ayına nisbətən 2.3%, ötən ilə nisbətən isə 18.2% bahalaşıb.

Hesabata əsasən, bəzi məhsulların qiymətində azalma müşahidə edilib:

Taxıl məhsullarının qiymətləri may ayına nisbətən 1.5%, illik müqayisədə isə 6.8% ucuzlaşıb.
Şəkərin qiymətləri may ayı ilə müqayisədə 5.2%, ötən ilin iyun ayına nisbətən isə 13.1% azalıb.

MONETAR.AZ