Birbank kiberdələduzluğa qarşı
Dünya bazarlarında buğda böhranı gözlənilirmi? - hesabat narahatlıq yaratdı
28 Avqust 2025
09:25
ABŞ Kənd Təsərrüfatı Nazirliyinin hesabatına əsasən, 2025/2026-cı məhsul ilində qlobal buğda bazarında əsas dəyişikliklər proqnozlaşdırılır.
2025/2026-cı məhsul ili üzrə qlobal buğda istehsalının 2024/2025-ci illə müqayisədə 9 milyon ton artaraq 809 milyon ton olacağı proqnozlaşdırılır. Məcmu təklifin həcmi isə 4 milyon ton artımla 1073 milyon tona çatacaq.
Buna baxmayaraq, dünya üzrə buğda ehtiyatlarının həcmi 2024/2025-ci illə müqayisədə 0.8% azalaraq 262 milyon tona enəcək. Nəticədə dünya ehtiyatlarının istehlaka nisbəti 32% səviyyəsində gözlənilir.
Əsas ixracatçı ölkələrdə ilin əvvəlinə olan qalıq həcminin 2 milyon ton artaraq 65 milyon ton olacağı proqnozlaşdırılır. İstehsal həcminin isə ötən məhsul ili ilə müqayisədə 10 milyon ton çox (397 milyon ton) olacağı gözlənilir.
Dünya buğda ticarətinin 2025/2026-cı məhsul ilində əvvəlki ilə nisbətən 2.9% artaraq 213 milyon ton olacağı proqnozlaşdırılır.
MONETAR.AZ
