Tariflər "Volkswagen"ə milyardlara
Dünya bazarında neft qiymətləri yüksəlir
8 Sentyabr 2025
09:38
Neft və enerji bazarlarında qiymətlər bu gün yenidən artıb. Bu qlobal tələbin yüksəlməsi və təkliflə bağlı narahatlıqlarla əlaqələndirilir.
WTI markalı xam neftin (Nymex) bir barelinin qiyməti 0,72 ABŞ dolları və ya 1,16 faiz artaraq 62,59 ABŞ dolları təşkil edib. Brent markalı neftin (ICE) bir barelinin qiyməti isə 0,78 dollar və ya 1,19 faiz artaraq 66,28 dollara çatıb.
Enerji məhsullarından təbii qazın (Nymex) qiyməti də bahalaşıb. Hər 1 MMBtu üçün 0,07 dollar və ya 2,43 faiz yüksəlişlə 3,12 ABŞ dolları olub. İstilik neftinin (Heating Oil) qiyməti isə 2,67 dollar və ya 1,17 faiz artaraq bir qallon üçün 231,37 dollar səviyyəsinə yüksəlib.
Ekspertlərin fikrincə, enerji bazarlarında müşahidə edilən bu qiymət artımı, dünya iqtisadiyyatında canlanma ilə bağlı olaraq tələbatın artması və eyni zamanda, bəzi əsas neft hasil edən ölkələrdə təklifin məhdudlaşdırılması ilə bağlı narahatlıqların fonunda baş verir.
MONETAR.AZ
