Siemens Energy Azərbaycandan Qara dəniz vasitəsilə Avropaya yaşıl enerjinin çatdırılmasına
Azərbaycanda yeni institutlar yaradıldı - Bəziləri birləşdirildi
8 Oktyabr 2025
12:27
Azərbaycanda elmi müəssisələrin fəaliyyəti optimallaşdırılır.
Nazirlər Kabineti Elm və Təhsil Nazirliyinin tabeliyində yeni institutların yaradılması barədə qərar qəbul edib.
Qərar Prezident İlham Əliyevin 2025-ci il 4 aprel tarixli sərəncamının icrasını təmin etmək məqsədilə verilib.
Eyni zamanda, bəzi elmi müəssisələrin tabeliyi dəyişdirilib. Polimer Materialları İnstitutu Sumqayıt Dövlət Universitetinin, Ekologiya və Təbii Ehtiyatlar İnstitutu (Gəncə), Bioresurslar İnstitutu (Gəncə), Aqrar Problemlər İnstitutu (Gəncə) və Nəbatat Bağı (Gəncə) Gəncə Dövlət Universitetinin tabeliyinə verilib.
Bundan başqa, Təbii Ehtiyatlar İnstitutu (Naxçıvan), Bioresurslar İnstitutu (Naxçıvan) və Batabat Astrofizika Rəsədxanası (Naxçıvan) Naxçıvan Dövlət Universitetinin tabeliyinə keçib.
Nazirlər Kabinetinin qərarına əsasən, yeni institutların nizamnamələri iki ay müddətində Elm və Təhsil Nazirliyi tərəfindən təsdiqlənəcək. Daha sonra həmin qurumların dövlət qeydiyyatına alınması təmin ediləcək.
MONETAR.AZ
