ABŞ-da lobbiçilik sistemi dövlət siyasətinə təsir göstərən ən mühüm mexanizmlərdən biri olaraq qalır. OpenSecrets təşkilatının məlumatlarına əsasən, 2026-cı ilin ilk rübündə ən çox lobbiçilik xərci edən qurumlar müəyyən edilib.
Ən çox xərcləyən təşkilat ABŞ Ticarət Palatası olub. Qurum bu dövrdə 20,22 milyon dollar xərcləyərək siyahıya liderlik edib.
İkinci yerdə Milli Daşınmaz Əmlakçılar Assosiasiyası qərarlaşıb. Təşkilat 15,53 milyon dollar lobbiçilik xərci ilə ikinci sıradadır.
Üçüncü yerdə Amerika Əczaçılıq Tədqiqatçıları və İstehsalçıları Assosiasiyası yer alır. Bu qurum 12,3 milyon dollar xərcləyib.
Böyük texnologiya şirkətləri də siyahıda yer alıb:
- Meta Platforms – 7,08 milyon dollar (9-cu yer)
- Amazon – 4,83 milyon dollar (12-ci yer)
- Alphabet – 4,14 milyon dollar (17-ci yer)
Məlumata görə, 2026-cı ildə lobbiçilik fəaliyyəti əsasən federal büdcə və ayrılmalar, müdafiə, səhiyyə, vergi və ticarət siyasətləri ətrafında cəmlənib.
Ekspertlər bildirirlər ki, ABŞ-da lobbiçilik xərcləri uzun illərdir yüksək səviyyədə qalır və bu, biznes və sənaye qruplarının qanunvericilik prosesinə təsir imkanlarını artırır.
MONETAR.AZ
