Böyük Britaniyada avtomobil sığortası qiymətləri 2026-cı ilin fevral ayında illik müqayisədə 3,1% artıb. Bu barədə Jefferies tərəfindən dərc olunan hesabatda bildirilir.
Bu, qiymətlərin ardıcıl üçüncü ay illik əsasda artması deməkdir. Yanvarda artım 4,1%, dekabrda isə 0,8% təşkil etmişdi. Aylıq müqayisədə isə fevralda qiymətlər 2,3% azalıb (yanvarda 2,3% artım olmuşdu).
Hazırkı qiymətlər təxminən 2024-cü ilin dekabr səviyyəsində qalır və 2023-cü ilin dekabrında qeydə alınmış pik göstəricidən təxminən 12% aşağıdır.
Qiymət müqayisə saytlarına trafik fevralda aylıq əsasda 17,9% azalıb, halbuki yanvarda 17,7% artım müşahidə olunmuşdu. İllik müqayisədə isə trafik hələ də 45,2% aşağı səviyyədədir.
Sığorta ödənişləri üzrə xərclər fevralda illik 5,6% artıb, lakin aylıq 0,5% azalıb. Xərclərin strukturunda:
- ehtiyat hissələrinin qiyməti (50% pay) 4,6% artıb,
- texniki xidmət və təmir xərcləri (30% pay) 6% yüksəlib,
- avtomobil icarəsi xərcləri (20% pay) isə 5,8% artıb.
2019-cu ildən bəri avtomobil sığortası üzrə orta sığorta haqları ümumilikdə 34,9% artdığı halda, zərərin ödənilməsi xərcləri 57,2% yüksəlib.
Jefferies hesab edir ki, 2025-ci il üçün Böyük Britaniyanın avtomobil sığortası sektorunda birləşdirilmiş zərər göstəricisi (combined ratio) 108% səviyyəsində olacaq ki, bu da illik müqayisədə 11 faiz bəndi pisləşmə deməkdir.
MONETAR.AZ
