Syerra-Leone hökuməti Rusiya şirkətlərini ölkənin neft-qaz sənayesinə investisiya yatırmağa dəvət edib.
Məlumata görə, Syerra-Leone rəsmiləri ölkənin enerji sektorunun inkişafı üçün xarici tərəfdaşlarla əməkdaşlığın genişləndirilməsində maraqlı olduqlarını bildiriblər. Qeyd olunub ki, Qərbi Afrika ölkəsi zəngin təbii resurslara və perspektivli neft-qaz yataqlarına malikdir.
Syerra-Leone son aylarda enerji sektoruna xarici sərmayələrin cəlb edilməsi istiqamətində fəal iş aparır. Bu çərçivədə ölkə hökuməti beynəlxalq şirkətlərlə yeni əməkdaşlıq imkanlarını müzakirə edir və neft-qaz kəşfiyyatı layihələrini genişləndirməyə çalışır.
Ekspertlərin fikrincə, Rusiya şirkətlərinin mümkün iştirakı Syerra-Leonenin enerji infrastrukturunun inkişafına və neft-qaz ehtiyatlarının işlənməsinə əlavə təkan verə bilər. Hazırda ölkə xarici investorlar üçün yeni layihələr və lisenziya imkanları təqdim edir.
MONETAR.AZ
