2027-ci ildə təqdim olunacaq Samsung-un növbəti nəsil flaqman smartfonu tamamilə yeni kamera sensoru ilə təchiz ediləcək. Bu barədə məşhur insayder Digital Chat Station öz Weibo bloqunda məlumat verib.
Mütəxəssis bildirib ki, ona Koreya markasının gələcək yüksək səviyyəli telefonunun ilk xüsusiyyəti məlum olub. Samsung artıq əsas kamera sensoru üzərində işləməyə başlayıb və sensorun ölçüsü 1/1,12 düym olacaq. Belə sensor əsasında kamera imkanları LOFIC texnologiyası ilə ultra yüksək dinamik diapazon sayəsində yaxşılaşdırılacaq.
Digital Chat Station cihazın hansı model olacağını dəqiqləşdirməyib, həmçinin Samsung-un komponent istehsalçısı kimi bu kameranı tərəfdaşlarına sata biləcəyini qeyd edib. Lakin TechAdvisor jurnalistləri bu məlumatın ehtimal ki, Samsung Galaxy S27 Ultra modelinə aid olduğunu qeyd ediblər.
Bundan əlavə, bəzi jurnalistlər qeyd ediblər ki, Koreya nəhəngi xərclərə qənaət etmək məqsədilə gələcək flaqmanın kamerasını təkmilləşdirməyə bilər. Bu barədə digər nüfuzlu insayder Ice Universe də danışıb. Yəqin ki, Samsung Galaxy S27 2027-ci ilin əvvəlində təqdim olunacaq.
Fevralın sonunda IDC analitikləri proqnoz veriblər ki, 2026-cı ildə dünya smartfon bazarı tarixdə ən güclü enişi yaşayacaq və bazar 12,9% azalacaq.
