2026-cı ilin məlumatlarına əsasən, dünyanın ən böyük sosial media platformaları siyahısı açıqlanıb. Salesforce tərəfindən təqdim olunan göstəricilər aylıq aktiv istifadəçi sayına əsaslanır.
Məlumata görə, ABŞ şirkəti “Meta” qlobal sosial media bazarında üstün mövqeyini qoruyur. Şirkət dünyanın ən böyük 15 platformasından beşinə sahibdir.
Siyahıya əsasən, birinci yerdə 3,1 milyard aylıq istifadəçi ilə “Facebook” qərarlaşıb. Onu 3 milyard istifadəçi ilə “Instagram” və “WhatsApp” izləyir.
Dördüncü sırada 2,5 milyard istifadəçi ilə “YouTube”, beşinci yerdə isə 2 milyard istifadəçi ilə “TikTok” yer alır.
Daha sonra 1,4 milyard istifadəçi ilə “WeChat”, 1 milyard istifadəçi ilə “Messenger” və “Telegram” gəlir.
Digər platformalar arasında “Snapchat” (900 milyon), “Reddit” (850 milyon), “Douyin” (755 milyon), “X (Twitter)” (650 milyon), “Pinterest” (578 milyon), “Threads” (400 milyon) və “LinkedIn” (310 milyon) yer alır.
Məlumatda qeyd olunur ki, “Meta” yalnız “Facebook” ilə deyil, həm də “Instagram”, “WhatsApp”, “Messenger” və “Threads” platformaları ilə bazarda dominant mövqedədir. Şirkət bu platformalar vasitəsilə milyardlarla istifadəçiyə xidmət göstərir.
Son illərdə Çin şirkətlərinin sosial media sahəsində təsiri də əhəmiyyətli dərəcədə artıb. “TikTok” və “Douyin” platformalarını yaradan “ByteDance” qlobal bazarda sürətli genişlənmə nümayiş etdirir. “WeChat” isə Çində super tətbiq kimi geniş istifadə olunur.
MONETAR.AZ
