Yaponiya Braziliya mal ətinin sanitariya nəzarəti sisteminə 2026-cı ilin mart ayında audit keçirəcək. Bu addım Yaponiya bazarının Braziliya mal əti üçün potensial açılması istiqamətində görülən tədbirlər çərçivəsində atılır. Bu barədə Braziliyanın Kənd Təsərrüfatı Nazirliyi ötən cümə günü məlumat yayıb.
Dünyanın ən böyük mal əti ixracatçısı olan Braziliya onilliklərdir ki, yüksək gəlirli Yaponiya bazarına çıxış əldə etməyə çalışır.
Danışıqlar 2025-ci ildə Braziliya prezidenti Luis İnasio Lula da Silvanın ilin əvvəlində Yaponiyaya etdiyi səfərdən sonra daha da sürətlənib.
Braziliyanın Valor Economico qəzetinin yazdığına görə, sanitariya qiymətləndirməsinin ilkin mərhələsində Yaponiyanın diqqəti Braziliyanın üç cənub ştatına, Rio-Qrandi-du-Sul, Santa-Katarina və Parana ştatlarına yönələcək.
MONETAR.AZ
