Keçmiş sovet respublikası qiymət artımına
Rekord bahalaşmadan sonra qızıl ucuzlaşıb
9 Oktyabr 2025
08:42
Qızılın qiyməti çərşənbə günü bir unsiya üçün 4 min dollar həddini aşaraq tarixi rekorda çatdıqdan sonra investorların mənfəət realizasiyası (satışları) ilə əlaqədar olaraq geriləməyə başlayıb.
Spot qızılın qiyməti çərşənbə günü 4059,31 dollar səviyyəsinə yüksəldikdən sonra bu gün səhər 0,3% azalaraq 4031,21 dollaradək geriləyib.
Son sürətli bahalaşmanın ardından qızıl korreksiya (müvəqqəti geriləmə, düzəliş) mərhələsinə qədəm qoyub. Əvvəlki sessiyada 1,4 % dəyər qazanan qızılın qiyməti, Cümə axşamı 1 %-ə qədər ucuzlaşıb. Texniki göstəricilər son bir ayda qızılın "həddindən artıq alış" zonasına daxil olduğunu nümayiş etdirir ki, bu da bir çox investorun əldə etdiyi mənfəəti sataraq reallaşdırmasına səbəb olmuşdur.
Qeyd edək ki, bu il qızıl, qlobal ticarət, ABŞ Federal Ehtiyat Sisteminin (FED) müstəqilliyi və ABŞ maliyyə sabitliyi ilə bağlı mövcud olan qeyri-müəyyənliklər səbəbindən 50%-dən çox dəyər qazanmışdır. Eyni zamanda, artan geosiyasi gərginliklər təhlükəsiz aktivlərə olan tələbatı dəstəkləyir, mərkəzi banklar da qızıl alışlarını sürətlə davam etdirirlər.
MONETAR.AZ
