Mərkəzi Bankın milyonluq tenderi
50 şirkətdən Avropa Birliyinə tələb: Süni intellekt qanunu gecikdirilsin!
5 İyul 2025
11:20
50-yə yaxın böyük Avropa şirkətinin rəhbərləri AB Komissiyası Prezidenti Ursula von der Leyenə məktub göndərərək, süni intellekt qanununun tətbiqinin 2 il təxirə salınmasını istəyiblər.
Məktubu imzalayan şirkətlər arasında AirBus, Lufthansa, Mercedes-Benz, Philips və Siemens Energy kimi tanınmış firmalar var.
Şirkət rəhbərləri AB-nin süni intellektə dair qoyduğu qaydaların "qarışıq" olduğunu bildiriblər.
Avropa Birliyi (AB) Komissiyası 50-yə yaxın böyük Avropa şirkətinin rəhbərliyinə cavab verib.
AB Komissiyasının sözçüsü Thomas Regnie şirkətlərin bu tələbinə qarşı çıxdı və "Süni intellekt qanununun tətbiqi təxirə salınmayacaq" dedi. Regnier qanunda müəyyən edilmiş tarixlərin dəyişdirilməyəcəyini vurğuladı.
AB Süni İntellekt Qanunu süni intellektin müxtəlif sahələrdə istifadəsini məhdudlaşdıran qaydalar gətirəcək və bu qaydalar mərhələli şəkildə tətbiq olunacaq.
MONETAR.AZ
