Siemens Energy Azərbaycandan Qara dəniz vasitəsilə Avropaya yaşıl enerjinin çatdırılmasına
Müştərilərini aldadan supermarket şəbəkəsinə cərimə yazıldı
8 Oktyabr 2025
16:12
Azərbaycanda istehlakçı hüquqlarının qorunması istiqamətində aparılan nəzarət tədbirləri çərçivəsində daha bir hüquq pozuntusu aşkarlanıb.
Antiinhisar və İstehlak Bazarlarına Nəzarət Dövlət Agentliyi tərəfindən “Tam Store” MMC barəsində inzibati xəta haqqında protokol tərtib edilib.
Aparılan araşdırmalar nəticəsində müəyyən olunub ki, “Tam Store” MMC-də bir qida məhsulu üzərində göstərilmiş qiymətdən baha satılıb. Bu hal 13 avqust 2025-ci il tarixində qeydə alınıb və vətəndaşın istehlakçı kimi hüquqlarının pozulması ilə nəticələnib.
Fakt “İstehlakçıların hüquqlarının müdafiəsi haqqında” Azərbaycan Respublikasının Qanununun 13-cü maddəsinin 1-ci bəndinə ziddir. Həmçinin, İnzibati Xətalar Məcəlləsinin 447.0.1-ci maddəsinə əsasən, malın hesabına dair istehlakçının az miqdarda aldadılması inzibati məsuliyyət yaradır və bu kimi hallar qanunla qadağandır.
MONETAR.AZ
