Xiaomi oyun üçün nəzərdə tutulmuş Black Shark planşetinin qlobal satışına başlayıb. Yenilik 2560×1600 piksel təsvir ölçüsünə malik kompakt 8,8 düymlük ekrana sahibdir. Displeyin əsas üstünlüyü 144 Hz yenilənmə tezliyidir. Maksimal parlaqlıq 600 nitə çatır.
Planşetin əsasında səkkiznüvəli Qualcomm Snapdragon 8s Gen 3 prosessoru dayanır. Qurğu 12 GB operativ yaddaş və 256 GB daxili yaddaşla təchiz edilib. Yaddaş çatışmazlığı olarsa, microSD kart vasitəsilə həcmi 2 TB-a qədər artırmaq mümkündür. Cihaz Android 16 əməliyyat sistemi ilə işləyir.
Soyutma sistemi böyük buxar kamerası və qrafen lövhələrindən ibarətdir. Maqnitlə bərkidilən əlavə xarici soyuducu da mövcuddur.
7300 mA·s tutumlu batareya demək olar ki, 6 saat fasiləsiz oyun üçün kifayətdir.
Planşet alüminium ərintisindən hazırlanıb, qalınlığı 8 millimetrdən azdır, çəkisi isə cəmi 332 qramdır. İki rəngdə təqdim olunur: qara və gümüşü.
Cihazın qiyməti təxminən 670 ABŞ dollarıdır.
MONETAR.AZ
