Siemens Energy Azərbaycandan Qara dəniz vasitəsilə Avropaya yaşıl enerjinin çatdırılmasına
Əfsanəvi San Siro söküləcək
5 Oktyabr 2025
12:02
"İnter" və "Milan"ın yerləşdiyi "Stadio Giuseppe Meazza" kimi tanınan Milanın San Siro futbol stadionu söküləcək.
Milan Şəhər Şurası 24 lehinə-20 əleyhinə səs çoxluğu ilə stadionun 197 milyon avroya "İnter" və "Milan"a satılmasına səs verib.
Artıq klublar söküləcək köhnə stadionun yerinə eyni yerdə yeni stadion tikə biləcəklər. İnter Milan və AC Milan tərəfindən seçilən dünyaca məşhur iki memarlıq firması olan Manica və Foster + Partners-in qarşıdakı 12 ay ərzində yeni stadionun dizaynını həyata keçirəcəyi gözlənilir.
Tikintiyə 2027-ci ilin birinci yarısında başlanılması, 2031-ci ildə istifadəyə verilməsi planlaşdırılır. Yeni stadion İtaliya və Türkiyənin ev sahibliyi edəcəyi Avro 2032-nin oyunlarına ev sahibliyi edə bilər.
San Siro 1926-cı ildə tikilib və sonuncu təmiri 1989-cu ildə aparılıb. Stadion 1934-cü il Dünya Kuboku, 1990-cı il Dünya Kuboku, Avro 1980, 1965 və 1970-ci illərdə Avropa Kubokunun finalı, 2001 və 2016-cı il Çempionlar Liqasının final oyunlarına ev sahibliyi edib. Stadion 100 illik yubileyində 2026-cı il Olimpiya Oyunlarının açılış mərasiminə ev sahibliyi edəcək.
MONETAR.AZ
