Xiaomi bugün açıqlayıb ki, aprel ayında 30 mindən çox elektromobil tədarük edib. Bu göstərici əvvəlki ayla müqayisədə kəskin artımı əks etdirir, ilin əvvəlindən satışlar da yüksələn dinamika göstərir.
Şirkət dəqiq aylıq satış rəqəmlərini açıqlamır və adətən sosial şəbəkələrdə yuvarlaq göstəricilər təqdim edir. Aprel nəticələri mart ayında tədarük edilən 20 mindən çox avtomobillə müqayisədə xeyli yüksəkdir və 2025-ci ilin aprelində satılan 28 mindən artıq avtomobili də bir qədər üstələyir.
Beləliklə, 2026-cı ilin ilk dörd ayı üzrə Xiaomi-nin elektromobil satışları təxminən 109 min ədədə çatıb ki, bu da ötən ilin eyni dövrü ilə müqayisədə 11% artım deməkdir.
Hazırda şirkət iki elektromobil modeli — Xiaomi SU7 sedanı və Xiaomi YU7 krossoverini satışa təqdim edir. Şirkət 2026-cı il üçün 550 min ədəd satış hədəfi müəyyən edib.
Həftənin əvvəlində keçirilən investorlar günündə Xiaomi elektromobillərinin xarici bazarlara çıxışı ilə bağlı planlarını da açıqlayıb. Şirkət bu istiqamətdə xüsusilə BYD kimi digər Çin avtomobil istehsalçılarının addımlarını izləyir.
Planlara əsasən, Xiaomi 2027-ci ilin ikinci yarısında Avropa bazarına daxil olmağı, 2028-ci ilin birinci yarısında isə daha geniş beynəlxalq bazarlara çıxmağı nəzərdə tutur.
MONETAR.AZ
