Qızılın rekord qiymətləri fonunda gümüş çox vaxt kölgədə qalır. Lakin Yahoo Finance qeyd edir ki, məhz bu metal son illərdə sürətli artım nümayiş etdirib və yeni yüksəliş mərhələsinə hazırlaşır.
2025-ci ilin əvvəlində gümüşün bir unsiyası təxminən 30 dollar idi. 2026-cı ilin əvvəlinə isə qiymət iki dəfədən çox artaraq 79 dollara çatıb. Bu kəskin artım investorların bu aktivə baxışını dəyişib.
Gümüş qiymətlərinə təsir edən əsas amillər olaraq analitiklər üç əsas faktoru vurğulayır:- İnflyasiya – bütün qiymətli metallar üçün əsas artım sürücüsüdür
- Faiz dərəcələri – FED faizləri artırdıqda investorlar gəlirli alətlərə yönəlir
- Geosiyasi risklər – müharibələr və böhranlar investorları fiziki aktivlərə (sikkə və külçə) yönəldir
BlackRock və J.P. Morgan kimi iri maliyyə institutlarının strategləri hesab edir ki, gümüş uzunmüddətli perspektivdə artım trendini qoruyacaq. Gözləntilərə görə:
- 2026-cı ilin sonuna qədər qiymət 80 dolların üzərində sabitləşə bilər
- 2030-cu ilə qədər isə 100 dollar həddi aşılması mümkündür
Yaxın Şərqdə davam edən münaqişə və qlobal iqtisadi risklər fonunda investorlar daha təhlükəsiz aktivlərə yönəlir. Qızılın bahalaşması (təxminən 5000 dollar/unsiya) səbəbindən pərakəndə investorlar üçün daha əlçatan alternativ kimi gümüş sikkələr və kiçik külçələr əsas seçimə çevrilə bilər.
Proqnoz 3: yüksək volatillik davam edəcəkGümüş qızıldan daha dəyişkən aktiv hesab olunur. Bunun səbəbi onun həm investisiya, həm də sənaye metali olmasıdır. Məsələn, 2026-cı ilin yanvarında qiymət 113 dolları keçsə də, fevralda 77 dollara düşərək bir neçə həftə ərzində 32% ucuzlaşıb. Bu səbəbdən analitiklər xəbərdarlıq edir ki, gümüşə investisiya edənlər “qiymət attraksionu”na hazır olmalıdırlar.
