Tesla-nın Çində istehsal olunan elektromobillərinin satışları mart ayında illik müqayisədə 8,7% artaraq 85 670 ədədə çatıb. Bu, şirkət üçün ardıcıl beşinci artım ayıdır.
Tesla Model 3 və Tesla Model Y modellərinin satışları fevral ayı ilə müqayisədə 46,2% yüksəlib. Bu barədə məlumatı China Passenger Car Association yayıb. Göstəricilərə həm daxili bazara satışlar, həm də Avropa və digər regionlara ixrac daxildir.
Şanxay zavodu Tesla üçün həm Çin bazarında satışlar, həm də beynəlxalq ixrac baxımından əsas istehsal mərkəzi rolunu oynayır. Mart ayı üzrə nəticələr Çin elektromobil bazarında rəqabətin güclənməsinə baxmayaraq tələbin sabit qaldığını göstərir.
MONETAR.AZ
