“Ağarma” davam edir –
Kanada ABŞ texnologiya şirkətlərinə vergini ləğv etdi
30 İyun 2025
08:55
Kanada ABŞ-ın iri texnologiya şirkətlərinə qarşı tətbiq etdiyi rəqəmsal xidmət vergisini ləğv etdiyini elan edib.
Kanada Maliyyə Nazirliyinin verdiyi açıqlamada bu qərarın ABŞ ilə davam edən ticarət danışıqlarında irəliləyiş əldə etmək məqsədilə verildiyi bildirilib.
Açıqlama ABŞ Prezidenti Donald Trampın sözügedən vergi səbəbilə Kanada ilə ticarət danışıqlarını dayandırmasından bir neçə gün sonra, bazar günü edilib. Tramp bu vergini “açıq hücum” adlandırmış və qarşılıqlı olaraq Kanada məhsullarına yeni gömrük tarifləri tətbiq edəcəyini açıqlamışdı.
Baş nazir Mark Karni ilə Prezident Tramp 21 iyul 2025 tarixinə qədər bir ticarət razılaşmasına nail olmaq üçün danışıqları yenidən başlayacaqlar.
Bu addım iki ölkə arasında rəqəmsal iqtisadiyyatla bağlı gərginliyin azaldılması istiqamətində vacib bir dönüş nöqtəsi kimi qiymətləndirilir.
MONETAR.AZ
