Bazar ertəsi İstanbul fond bazarı ticarətə kəskin enişlə başlayıb. Borsa Istanbul 100 indeksi İranın da iştirak etdiyi münaqişənin kəskinləşməsi fonunda saat 10:00-a qədər 5,3% geriləyib. Bu barədə Bloomberg məlumat yayıb.
Panikanı və volatilliyi cilovlamaq üçün Türkiyə hakimiyyəti dərhal bir sıra məhdudiyyətlər tətbiq edib. Səhmlərin qısa satışına (short selling) 6 mart tarixinədək müvəqqəti qadağa qoyulub. Bundan əlavə, kapital bazarları şurası minimal təminat tələbatını 35%-dən 20%-ə endirib. Bu addım treyderlərə daha az öz vəsaiti ilə mövqeləri saxlamağa və kütləvi marjin-çağırışlardan yayınmağa imkan verəcək.
Birja həmçinin yüksəktezlikli ticarət (HFT) üçün limitləri sərtləşdirib. Sistemin yüklənməsini və sifarişlərin ləğvi ilə manipulyasiyaları azaltmaq məqsədilə yerləşdirilən sifarişlərin icra olunan əməliyyatlara nisbəti 5:1-dən 3:1-ə endirilib.
MONETAR.AZ
