Azərbaycan Fövqəladə Hallar Nazirliyinin qüvvələri güclü yağışların yaratdığı fəsadların aradan qaldırılması işlərini davam etdirir. İşlər həm gecə saatlarında, həm də gün ərzində aparılıb.
Nazirliyin mətbuat xidmətinin məlumatına görə, hazırda təhlükəsizlik tədbirləri və suyun çəkilməsi işləri Bakı şəhərinin Xəzər, Nizami, Sabunçu, Binəqədi və Səbail rayonlarında, eləcə də Sumqayıt şəhərində, Abşeron yarımadası ərazisində və Xaçmaz rayonunda həyata keçirilir.
Pis hava şəraitinin nəticələrinin aradan qaldırılmasına Mülki Müdafiə Qoşunları, Dövlət Yanğından Mühafizə Xidməti və Xüsusi Riskli Xilasetmə Xidmətinin bölmələri cəlb olunub.
