Pop musiqisinin kralı Maykl Ceksonun həyat və yaradıcılığından bəhs edən “Maykl” (Michael) bioqrafik filmi qlobal kassalarda (box office) tarixi bir uğura imza atıb.
“Variety” nəşrinin yaydığı rəsmi məlumata görə, rejissor Antuan Fukuanın ekranlaşdırdığı ekran əsəri dünya üzrə 977 milyon ABŞ dolları gəlir əldə edərək bütün zamanların ən çox gəlir gətirən bioqrafik filminə çevrilib. Bu fantastik göstərici həm də istehsalçı “Lionsgate” studiyasının tarixində ən yüksək gəlirli layihə olaraq qeydə alınıb.
“Maykl” filmi bu nəticə ilə kino sənayesində uzun müddətdir mövqeyini qoruyan nəhəng ekran əsərlərini taxtından salıb.
Bir qayda olaraq, bioqrafik filmlərin fantastik-fentezi və ya superqəhrəman (Marvel/DC) filmləri kimi "1 milyard dollar" həddinə yaxınlaşması çox nadir hadisədir. "Maykl" filminin bu uğuru musiqi əfsanəsinin mirasının hələ də nə dərəcədə canlı olduğunu və qlobal kütlə tərəfindən qəbul edildiyini sübut edir. Bu gəlir həm də digər studiyaların (məsələn, hazırda hazırlanan hər dörd Beatles üzvünün ayrıca filmləri) gələcək musiqi bioqrafiyalarına daha böyük büdcə ayırmasına təkan verəcək.
MONETAR.AZ
