8 oktyabr 2026-cı ildə Ümumdünya Görmə Günü qeyd olunacaq. Günün əsas məqsədi göz sağlamlığına diqqəti artırmaq və qarşısı alına bilən görmə problemləri barədə maarifləndirmə aparmaqdır.
Monetar.az xəbər verir ki, Ümumdünya Görmə Günü hər il oktyabr ayının ikinci cümə axşamı qeyd olunur. Kampaniya Beynəlxalq Görmə Qabiliyyətinin Qorunması Agentliyinin (IAPB) koordinasiyası ilə həyata keçirilir.
2026-cı ilin kampaniyası “LoveYourEyes” (“Gözlərini sev”) şüarı altında keçirilir. Bu il insanların görmə ilə bağlı real təcrübələrinə və göz sağlamlığının gündəlik həyat üçün əhəmiyyətinə diqqət yetirilir.
Ümumdünya Görmə Gününün əsas məqsədlərindən biri dünyada 1 milyarddan çox insanın qarşısı alına və ya müalicə edilə bilən görmə problemləri ilə üzləşməsinə diqqət çəkməkdir.
Kampaniya çərçivəsində insanlara göz sağlamlığının qorunmasının vacibliyi, vaxtında müayinədən keçmək və görmə problemlərinə laqeyd yanaşmamaq barədə məlumat verilir.
