Sovet dövründə hər həyətdə bu oyunu xüsusi həvəslə oynayan kişilərə rast gəlmək olardı. Oyun meydançalarından uşaqların qışqırtıları eşidilirdi, yaşayış evlərinin pəncərələrindən evdə bişirilən yeməklərin ətri hiss olunurdu... Domino bizim üçün müstəsna olaraq xoş xatirələr oyadır, onu bir çox nəsillər sevib. Əvvəllər hər evdə “Domino” yazısı olan qutu tapmaq olardı. Hər kəs bu stolüstü oyunu sevirdi - çünki kifayət qədər sadə qaydalara baxmayaraq, bir çoxlarının beynini "hərəkətləndirdi".

   Oyun Çində icad edilmişdir - burada arxeoloqlar qırmızı və qara nöqtələri olan düz zərlər tapmışdılar. Hesablamalara görə, onlar 10-12-ci əsrlərdə hazırlanan dominoların minilliklər boyu mövcud olduğuna inanmaq üçün bütün məlumatlarımız var. Tarixçilərdən bəziləri bu oyunun meydana gəlməsini Hunq Minq adlı qəhrəman bir əsgərlə, digəriləri isə Keunq Tay Kunq adlı digər bir şəxslə əlaqələndirirlər. Üçüncü ehtimal adı tarixə məlum olmayan, özü isə 12-ci əsrdə imperator Hui Sunqun vaxtında yaşamış bir dövlət xadimi tərəfindən yaradılaraq 1120-ci ildə onun tərəfindən həmin imperatora təqdim edilməsidir.

   Ənənəvi olaraq, domino parçaları heyvan sümüklərindən, ən çox da inəklərdən hazırlanırdı, çünki onlar kifayət qədər möhkəm və davamlı olurdular. Müasir parçalar əsasən plastikdən hazırlanır, yüngül və eyni dərəcədə deformasiya materialına davamlıdır.

   Uzun müddət oyun yalnız bir ölkədə mövcud idi və o, yalnız 18-ci əsrin ortalarında, İtaliya və Fransaya gətirildikdə geniş yayıldı. Bir neçə onillikdən sonra dominolar İngiltərə sakinlərinin qəlblərini fəth etməyə başladı. Amma oyunun adı bəzi mənbələrə görə Dominikan rahiblərinin işlətdikləri Domino gratias” və ya "Benedicamus domino”, yəni bir işə başlamazdan əvvəl "Tanrıya şükür və həmd etmək" , digər mənbələrə görə isə latın mənşəli söz kimi "dominus", yəni "ev sahibi" mənasındadır. Başqa bir ehtimal "domino" sözünün ümumi olaraq "başçı", "rəhbər" mənasında digər sözlərlə, misalçün, "məktəb müdiri" sözü ilə eyni mənada işlədilə bilməsidir.

   Başqa bir maraqlı məlumat kimi ilk dominolarda sıfrın, yəni boş, ağ üzün olmamasını da qeyd etmək lazımdır. Çin dominoları  Qərb dominolarından bir qədər uzundur. Ümumilikdə domino  bir oyun kimi dünyada ən çox Latın Amerikası ölkələrində populyardır. Bu oyuna məxsus oyun növlərinin əksəriyyəti müasir dövrdə, bəziləri isə hətta son bir neçə on il ərzində ixtira edilib.

   Mövcud olduğu illər ərzində oyun bir çox fərqli variasiya əldə etdi, lakin klassik olanı hamı o qədər sevdi ki, 2003-cü ildə hətta domino üzrə dünya çempionatı da yaradıldı. İlk olaraq Havanada keçirildi və 17 ölkədən 336 ən güclü oyunçu iştirak etdi. O vaxtdan bəri bu rəqəm bir neçə dəfə artıb.