Çində Chery zavodunun konveyer xəttindən Exeed EX7 modelinin ilk seriya krossoveri çıxıb. Bu barədə Autohome məlumat yayıb və avtomobilin şəkillərini dərc edib.
EX7 modelinin əsas xüsusiyyətlərindən biri EMB texnologiyasının tətbiqidir. Bu sistem əyləc pedalının mexaniki bağlantısını tamamilə aradan qaldıraraq onu elektron idarəetmə ilə əvəz edir.
Bundan əvvəl, fevral ayında Exeed nümayəndələri bildirmişdilər ki, model Rusiya bazarında Exlantix xətti çərçivəsində təqdim oluna bilər və krossoverin bu bazara çıxarılması imkanları hazırda nəzərdən keçirilir.
Dilerlərin sözlərinə görə, Exeed EX7 iki versiyada təqdim ediləcək:
-
Tam elektrik versiyası – yürüş ehtiyatı 726 km-ə qədər,
-
Hibrid versiya – yalnız elektrik rejimində 203 km yürüş imkanı.
Avtomobilin ölçüləri belədir:
-
uzunluğu — 4988 mm,
-
eni — 1975 mm,
-
hündürlüyü isə 1702–1710 mm arasında dəyişir.
MONETAR.AZ
