Azərbaycan otellərində yerlər boş qalıb:

Azərbaycan otellərində yerlər boş qalıb: Sahibkarlar qiymətləri niyə endirmir?

4 Avqust 2025 10:04

2025-ci ilin ilk 6 ayında Azərbaycanda mehmanxana və mehmanxana tipli obyektlərin yerlərinin 79 faizi boş qalıb. Dövlət Statistika Komitəsinin açıqladığı rəqəmlərə görə ölkə üzrə mehmanxana sektorunun istifadə səviyyəsi 21,4 faiz olub. Bu o deməkdir ki, təklif olunan yerlərin böyük əksəriyyəti istifadə edilməyib.

Maraqlıdır ki, otel sahibləri qiymətləri endirmək əvəzinə daha yüksək qiymətlərlə fəaliyyət göstərməyə davam edirlər. Bəzi sahibkarlar qiymət endirməyi riskli hesab edir, çünki əvvəlki illərdə edilən investisiyalar və təmir xərcləri onları daha yüksək gəlir əldə etməyə məcbur edir. Yüksək qiymətlə, bəzən yalnız mövsümi turistlər üçün gəlir təmin etməyə kömək edir, amma illər boyu davamlı müştəri cəlb etməkdə çətinlik yaradır.

Bakı şəhərində otellərin doluluq səviyyəsi 34,1 faiz olsa da, digər bölgələrdə bu rəqəm daha aşağıdır. Şabranda 51,5 faiz, Naftalanda 40,2 faiz doluluq olsa da, Lənkəran, Şamaxı və Quba kimi bölgələrdə bu səviyyə 17-18 faiz arasında dəyişir. Bölgələrdə turizmə marağın az olması və otellərin keyfiyyətinin aşağı olması da bu vəziyyəti izah edə bilər.

Azərbaycanın turizm sektoru üçün gələcəkdə daha yaxşı perspektivlər mövcuddur, amma bunun üçün otel sahibləri qiymət siyasətini nəzərdən keçirməli və xidmətlərini daha əlçatan etməlidirlər. Dövlət də turizmi təşviq etmək üçün daha çox reklam və marketinq tədbirləri həyata keçirməlidir. Otellərin qiymətləri bazara uyğunlaşdırılmalı, daha çox müştəri cəlb etmək üçün güzəştlər və kampaniyalar təqdim edilməlidir.

MONETAR.AZ