2026-cı ilin yanvar ayında tütün məmulatları sahəsində fərqli istehsal göstəriciləri qeydə alınıb. Dövlət Statistika Komitəsinin məlumatına görə hesabat dövründə siqaret istehsalı 1 194,0 milyon ədəd təşkil edib. Bu, ötən ilin müvafiq ayı ilə müqayisədə 38,1 faiz artım deməkdir. 01 fevral 2026-cı il vəziyyətinə müəssisələrin anbarlarında 1 264,1 milyon ədəd hazır siqaret ehtiyatı mövcud olub.
Eyni zamanda, tütün istehsalı cəmi 49,9 ton olub ki, bu da illik müqayisədə 66,8 faiz azalma deməkdir. Hesabat tarixinə anbarlarda 150,4 ton tütün ehtiyatı qeydə alınıb.
Beləliklə, xammal istehsalında kəskin azalma müşahidə olunsa da, hazır məhsul – siqaret istehsalında əhəmiyyətli artım qeydə alınıb. Bu isə sahədə xammal və son məhsul istehsalı arasında fərqli dinamikanın formalaşdığını göstərir.
MONETAR.AZ
