Bu gün səhər Avropada topdansatış təbii qaz qiymətləri Yaxın Şərqdə yenidən artan geosiyasi risklər və mayeləşdirilmiş təbii qazın (LNG) qlobal tədarük marşrutlarında mümkün fasilələrlə bağlı narahatlıqlar fonunda təxminən 1% yüksəlib.
Avropanın etalon göstəricisi olan Niderlandın bir aylıq qaz fyuçerslərinin qiyməti 1,6% artaraq meqavat-saat üçün 41,38 avroya çatıb. Böyük Britaniyada isə analoji qaz müqaviləsinin qiyməti 1,6% yüksələrək term üçün 99,29 pens olub.
Qiymət artımı həftəsonu ABŞ və İran arasında strateji əhəmiyyət daşıyan Hörmüz boğazında baş verən hərbi toqquşmalardan sonra qeydə alınıb. Hər iki tərəf çərşənbə axşamı Dohada keçiriləcək texniki danışıqlar ərəfəsində qarşılıqlı hücumları müvəqqəti dayandırmaq barədə ilkin razılığa gəlsə də, enerji bazarının iştirakçıları nəqliyyat marşrutlarında daha genişmiqyaslı gecikmələr yarana biləcəyi riskinə operativ reaksiya veriblər.
MONETAR.AZ
