ABŞ başçısı Google-a edilən cəriməni düzgün

ABŞ başçısı Google-a edilən cəriməni düzgün hesab etmir

6 Sentyabr 2025 10:00

ABŞ prezidenti Donald Tramp Avropa Birliyinin Google-a qarşı tətbiq etdiyi son cəriməni Amerika şirkətlərinə qarşı “çox ədalətsiz” adlandırıb. Truth Social platformasındakı bir yazıda Tramp AB-ni Google-a 3,5 milyard dollar cərimə kəsdiyinə görə tənqid edərək, pul “əks halda Amerika investisiyalarına və iş yerlərinə gedə bilərdi” deyə iddia edib.

Avropa Komissiyası cümə günü elan edib ki, Alphabet Inc-in Google şirkətini öz reklam mübadiləsinə rəqibləri üzərində rəqabət üstünlüyü verərək hakim bazar mövqeyindən sui-istifadə etdiyinə görə təxminən 3 milyard avro (3,5 milyard dollar) cərimələyib. Aİ həmçinin Google-a bu təcrübəni dayandırmağı əmr etdi.

Aİ-nin Antiinhisar Komissarı Teresa Ribera açıqlamasında "Bazarlar uğursuz olduqda, dövlət qurumları dominant oyunçuların səlahiyyətlərindən sui-istifadə etməsinin qarşısını almaq üçün hərəkətə keçməlidir" deyib. Google qərardan apellyasiya şikayəti verəcəyini vəd edib.

Tramp öz açıqlamasında Amerika texnologiya şirkətlərinə qarşı digər cərimələri, o cümlədən “Apple” şirkətinə qarşı “təyin edilməməli” olduğuna inandığını və 17 milyard dollarlıq cəriməninin düzgün edilmədiyini də qeyd edib. Prezident "ədalətsiz cərimələri ləğv etmək" üçün 301-ci maddə üzrə icraata başlayacağı ilə hədələyib və "Amerikalı vergi ödəyicisi buna dözməyəcək" mesajını verib. "Biz bunun parlaq və misilsiz Amerika ixtiraçılığı ilə baş verməsinə icazə verə bilmərik" deyən Tramp administrasiyasının Amerika şirkətlərinə qarşı ayrı-seçkilik kimi gördüyü hərəkətlərə qarşı tədbir görəcəyinə işarə edərək çıxış edib.