2026-cı ilin yanvar ayında Azərbaycana xarici ölkələrdən ümumilikdə 348 ton məhsul idxal olunub və bunun ümumi dəyəri 945.5 min ABŞ dolları təşkil edib.
Rəsmi statistik məlumatlara əsasən, müxtəlif ölkələrdən gətirilən məhsulun 1 kiloqram üzrə orta idxal qiyməti 1.01–3.45 ABŞ dolları arasında dəyişib.
Ən yüksək qiymət Ukrayna mənşəli məhsullarda qeydə alınıb. Bu ölkədən idxal olunan donuz ətinin 1 kiloqramının orta qiyməti təxminən 3.45 dollar təşkil edib.
Bununla yanaşı, Braziliya və Rusiya bazar üzrə daha balanslı qiymətlərlə seçiliblər. Braziliyadan gətirilən məhsulun 1 kiloqramı orta hesabla 2.82 dollar, Rusiyadan idxal olunan məhsul isə 2.65 dollar olub.
Ən aşağı qiymət isə İspaniya üzrə qeydə alınıb. Bu ölkədən idxal edilən donuz ətinin 1 kiloqramının orta dəyəri cəmi 1.01 dollar təşkil edib.
Mütəxəssislər qiymət fərqlərini əsasən məhsulun keyfiyyəti, kəsim hissələri, logistika xərcləri və tədarük zəncirindəki fərqlərlə izah edirlər. Ümumilikdə isə bazarda orta idxal qiyməti təxminən 2.71 dollar/kq səviyyəsində formalaşıb.
MONETAR.AZ
