Dünən Qahirə şəhərində keçirilən Egypt International Petroleum Show 2026 çərçivəsində SOCAR Trading ilə Egyptian General Petroleum Corporation arasında əməkdaşlıq haqqında çərçivə sazişi imzalanıb.
Sənədi SOCAR Trading-in baş icraçı direktoru Natiq Mustafayev və EGPC-nin icraçı direktoru Salah Abdel Karim imzalayıblar.
Müsahibəsində N. Mustafayev bildirib ki, SOCAR artıq 15 ildir Misirlə əməkdaşlıq edir: bu saziş tərəfdaşlığın daha da genişlənməsi üçün yeni imkanlar yaradacaq və şirkətin investisiya və ticarət potensialını artıracaq.
S. Abdel Kərim isə SOCAR-ı saziş münasibətilə təbrik edərək qeyd edib ki, bu sənəd Azərbaycanın neft-qaz məhsullarının Misir bazarına çıxışını daha da asanlaşdıracaq. Onun sözlərinə görə, Misir böyük və perspektivli bazardır və SOCAR-ın yalnız xam neft tədarükü ilə kifayətlənməyərək, kəşfiyyat və hasilat sahələrində də fəal iştirak etməsi arzu olunur.
O əlavə edib ki, Azərbaycan və Misir arasında dövlətlərarası səviyyədə sıx əməkdaşlıq mövcuddur və bu əlaqələrin neft-qaz sektorunda daha da dərinləşdirilməsi planlaşdırılır.
Sazişin imzalanma mərasimində Azərbaycanın Misirdəki səfiri Elxan Poluxov da iştirak edib.
