Birləşmiş Krallıq hökuməti elektrik enerjisi istehsal edən şirkətlər üçün tətbiq olunan vergini 45%-dən 55%-ə qaldırmağı planlaşdırdığını açıqlayıb. Eyni zamanda, bərpa olunan enerji istehsalçıları üçün sabit qiymətlərlə uzunmüddətli könüllü müqavilələrin tətbiqi nəzərdə tutulur.
Bu tədbirlər qaz qiymətlərindəki dəyişkənliyin istehlakçılar üçün elektrik tariflərinə təsirini azaltmağa yönəlib. Hökumət bildirib ki, dəyişikliklər ölkənin enerji təchizatının təxminən üçdə bir hissəsini əhatə edəcək.
Yeni mexanizm — topdansatış “fərq müqavilələri” (contracts for difference) hazırda sabit qiymətli müqavilələrlə işləməyən aşağı karbonlu enerji istehsalçılarına təklif olunacaq. Hökumət bu müqavilələri ilin sonuna qədər tətbiq etməyi, onların bölgüsünü isə 2027-ci ildə həyata keçirməyi planlaşdırır.
Elektrik istehsalçıları üçün vergi artımı isə dərhal qüvvəyə minir. Bu vergi enerji şirkətlərinin əldə etdiyi əlavə mənfəətə tətbiq olunur.
MONETAR.AZ
