Heyvan sahiblərinin
Süni intellektin gizli enerji tələbi
6 Avqust 2025
09:36
Süni intellekt həyatımızın hər sahəsinə sürətlə daxil olur. Lakin bu inqilabın görünməyən bir tərəfi də var: nəhəng enerji ehtiyacı. Beynəlxalq Valyuta Fondu (IMF) tərəfindən yayımlanan şokedici məlumatlar, süni intellekt sistemlərinə güc verən məlumat mərkəzlərinin (data mərkəzlərinin) elektrik istehlakının artan templərini ortaya qoyur.
2023-cü ildə dünya üzrə bütün məlumat mərkəzlərinin birlikdə sərf etdiyi elektrik enerjisi Fransanın illik ümumi elektrik tələbatını belə geridə qoyub.
Proqnozlara görə, bu rəqəm 2030-cu ilə qədər 3 dəfə artaraq 1500 teravat-saata çatacaq. Bu, Rusiya və Hindistan kimi böyük iqtisadiyyatların 2030-cu ildəki proqnozlaşdırılan enerji istehlakına bərabərdir. Bir sözlə, süni intellekt təkcə texnologiya deyil, həm də bir "enerji canavarına" çevrilir.
Süni intellekt yeni iş yerləri, iqtisadi inkişaf və məhsuldarlıq vəd edir. Lakin bu inkişafı davamlı etmək üçün ciddi addımlar atılmalıdır. Süni intellektin iqtisadi faydalarını ekoloji davamlılıqla tarazlaşdırmaq üçün enerji səmərəliliyini artıran və yenilənə bilən enerji mənbələrindən istifadəni təşviq edən siyasət qəbul edilməlidir. Əks halda, bu texnoloji sıçrayışın ətraf mühit üçün ağır nəticələri ola bilər.
MONETAR.AZ
