Aktiv spot ticarəti və institusional tələbatın dəstəyi ilə Bitcoin bazar günü 84 min dollar həddinin üzərində sabitləşib. Ən böyük kriptovalyuta üçüncü rübü tarixində ən yüksək nəticələrdən biri ilə başa vurmağa yaxınlaşır.
“Investing.com”un məlumatına görə, bu gün saat 09:39-da Bitcoin gün ərzində 0,84 faiz bahalaşaraq 84 626,50 dollar səviyyəsində ticarət olunub. Beləliklə, kriptovalyutanın üçüncü rüb ərzində artımı iyulun əvvəlindəki təxminən 58 500 dollar səviyyəsi ilə müqayisədə 43,5 faizə çatıb.
“Bitcoin.com”un məlumatlarına əsasən, bu göstərici Bitkoin üçün 2017-ci ildən bəri, kriptovalyutanın həmin ilin üçüncü rübündə təxminən 80 faiz bahalaşdığı dövrdən sonra, ən güclü üçüncü rüb nəticəsi ola bilər.
Digər əsas kriptovalyuta olan Ether də rüb ərzində əhəmiyyətli artım nümayiş etdirib. Onun qiyməti bu dövrdə təxminən 71 faiz yüksəlib və bu göstərici Ether üçün rekord üçüncü rüb nəticəsi ola bilər.
Bitcoin cümə günü iri həcmli rüblük opsion müqavilələrinin müddətinin başa çatmasını da ciddi qiymət dalğalanması olmadan geridə qoyub. Sentyabrın sonuna yaxın spot bazarda ticarət fəallığı artıb, mənfəətin reallaşdırılması məqsədilə satışlar isə nisbətən məhdud qalıb. Bu amillər kriptovalyutanın qiymətinə əlavə dəstək verib.
Bitcoinə institusional tələbat və bankların iştirakıBitkoinə institusional marağın genişlənməsi fonunda “MicroStrategy”nin İdarə Heyətinin sədri Maykl Seylor ABŞ banklarını kriptovalyuta bazarında iştiraklarını artırmağa çağırıb.
Bununla yanaşı, kriptovalyuta bazarında təhlükəsizlik məsələsi də gündəmdə qalır. “Bitget” kriptovalyuta birjasına qarşı 387,5 milyon dollar həcmində haker hücumu sektorda kibertəhlükəsizlik risklərinin yenidən diqqət mərkəzinə keçməsinə səbəb olub.
Beləliklə, üçüncü rübün sonuna yaxın Bitkoin bazarında bir tərəfdən spot ticarət fəallığı və institusional tələbatın artması qiymətlərə dəstək verir, digər tərəfdən isə bank tənzimləmələri və kriptobazardakı təhlükəsizlik riskləri investorların diqqətində qalır.
MONETAR.AZ
