İrlandiyada işsizlik səviyyəsi mart ayında 4,7%-ə yüksəlib. Bu barədə Mərkəzi Statistika İdarəsi tərəfindən açıqlanan məlumatlarda bildirilir.
Göstərici fevral ayı ilə müqayisədə 0,1 faiz bəndi artaraq 4,6%-dən 4,7%-ə çatıb. Eyni zamanda, bu rəqəm ötən ilin müvafiq dövrü ilə müqayisədə də cüzi artımı əks etdirir.
Son bir il ərzində ölkədə işsizlik səviyyəsi ümumilikdə 4,5%–5% aralığında dəyişib.
Statistik məlumatlar göstərir ki, işsizliyin müəyyən qədər artmasına baxmayaraq, İrlandiya əmək bazarı ümumilikdə sabit fəaliyyətini davam etdirir və ciddi dalğalanmalar müşahidə olunmur.
MONETAR.AZ
