Azərbaycan Respublikası Dövlət Gömrük Komitəsi tərəfindən maliyyə konsaltinq xidmətlərinin satın alınması ilə bağlı elan edilmiş açıq tenderin nəticəsi məlum olub.
Məlumata görə, tenderin qalibi "Baker Tilly Audit Azərbaycan" QSC seçilib. Şirkət sözügedən xidmətləri 89 090 manat məbləğində həyata keçirəcək.
Tenderin ehtimal olunan qiyməti 106 955,20 manat təşkil edib. Beləliklə, qalib təklif ehtimal olunan qiymətdən 17 865,20 manat və ya təxminən 16,7 faiz daha aşağı olub.
Müsabiqə 04 noyabr 2025-ci il tarixində elan olunub, təkliflərin qəbulu isə 27 noyabr 2025-ci il saat 16:00-da başa çatıb. Zərflərin açılışı da həmin tarix və saatda həyata keçirilib.
Qeyd edək ki, satınalma 84111500 təsnifat kodu üzrə – mühasibat xidmətləri kateqoriyası çərçivəsində keçirilib və tender çərçivəsində maliyyə konsaltinq xidmətlərinin göstərilməsi nəzərdə tutulur.
