Paraqvaylı futbolçu ağzını örtərək danışdığı üçün qırmızı vərəqə alıb

Paraqvaylı futbolçu ağzını örtərək danışdığı üçün

ABŞ, Kanada və Meksikanın birgə ev sahibliyi etdiyi futbol üzrə Dünya Çempionatında (DÇ-2026) futbol tarixinə düşəcək analoqu olmayan hadisə yaşanıb. D qrupu çərçivəsində keçirilən Paraqvay – Türkiyə matçında Paraqvay millisinin ulduz vingeri Miguel Almirón dünya çempionatları tarixində yeni intizam qaydası ilə qırmızı vərəqə alan ilk futbolçu olub.

Qarşılaşmanın baş hakimi İvan Barton ilk hissənin sonlarında Almirona birbaşa qırmızı vərəqə göstərərək hamını təəccübləndirib. Hadisənin pərdəarxası isə FIFA-nın yeni qaydası ilə bağlıdır.

Miguel Almirón rəqib komandanın futbolçusuna nəsə deyərkən kameraların və rəqibin onun dodaqlarını oxumaması üçün ağzını qəsdən əli ilə örtüb.

Mundialdan dərhal əvvəl qəbul edilən xüsusi qaydaya əsasən, meydanda futbolçuların danışarkən ağzını qəsdən örtməsi irqçilik, ağır təhqir və ya qeyri-etik ifadələrin gizlədilməsi cəhdi kimi qiymətləndirilir və birbaşa meydandan qovulma ilə cəzalandırılır.

Baş hakim İvan Barton qaydanı sərt şəkildə tətbiq edərək Almironu birbaşa qırmızı vərəqə ilə cəzalandırıb və o, futbol tarixinə bu səbəbdən qovulan ilk oyunçu kimi düşüb.

Uzun illərdir futbolçuların hakim, rəqib və ya məşqçilərlə danışarkən ağızlarını formaları və ya əlləri ilə bağlaması adi hal almışdı. FIFA-nın rəqəmsal dodaq oxuma texnologiyalarından yayınan və "şəffaflığı pozan" bu hərəkətə qarşı tətbiq etdiyi yeni cəza növü, DÇ-2026-nın ən çox müzakirə edilən mövzusu olacağını nümayiş etdirdi.

MONETAR.AZ