Ümummilli lider Heydər Əliyevin əziz xatirəsinə həsr olunmuş simvolik fləşmob WUF13 könüllülərinin iştirakı ilə tədbirin keçiriləcəyi məkan olan Bakı Olimpiya Stadionunda təşkil edilib. 600-dən çox könüllünün iştirakı ilə keçirilən fləşmob zamanı " Heydər Əliyev 103" yazısı formalaşdırılıb.
Bu təşəbbüs müasir Azərbaycanın memarı, ölkəmizin inkişafına, şəhərsalma kimliyinə və müasir memarlıq tərəqqisinə mühüm töhfələr vermiş Heydər Əliyevin anadan olmasının 103-cü ildönümünə ehtiramın ifadəsidir.
