Misirdə illik inflyasiya səviyyəsi yanvar ayında dekabr ayındakı 12,3%-dən 11,9%-ə düşüb. Bu göstərici 2022-ci ilin birinci rübündən bəri qeydə alınan ikinci ən aşağı səviyyədir.
Yanvar ayı üzrə inflyasiya göstəricisi ümumilikdə analitiklərin gözləntilərinə uyğun olub: LSEG-in konsensus proqnozu 11,7%, digər qiymətləndirmələr isə təxminən 11,8% səviyyəsində idi.
Bu, sentyabr ayından bəri ən aşağı inflyasiya göstəricisidir və cümə axşamı keçiriləcək növbəti iclasda Misir Mərkəzi Bankı (MMB) üçün faiz dərəcələrinin yenidən azaldılması baxımından əlverişli şərait yaradır.
İnflyasiyanın azalması onu göstərir ki, son iki il ərzində yüksək inflyasiya dövrlərindən sonra Misir iqtisadiyyatında qiymətlərin müəyyən dərəcədə sabitləşməsi müşahidə olunur.
MONETAR.AZ
