Avropada elektromobil sənayesinin ən böyük investisiyalarından biri hüquqi və ekoloji qalmaqalla üz-üzə qalıb. Çinin elektromobil nəhəngi BYD, Macarıstanın Seqed (Szeged) şəhərində inşası davam edən ilk Avropa zavodunda ekoloji normaların pozulması ilə bağlı irəli sürülən iddiaları qəti şəkildə rədd edib.
Şirkətin icraçı vitse-prezidenti Stella Li Belqradda keçirilən beynəlxalq konfransda bəyan edib ki, ittihamlar tamamilə əsassızdır və Çin avtomobil istehsalçısı bu iddialara qarşı hüquqi müstəvidə mübarizə aparmaq üçün artıq güclü vəkillər komandası cəlb edib.
Macarıstan hakimiyyət orqanlarının başladığı bu təhqiqat, ölkədə sürətlə böyüyən elektromobil və akkumulyator (batareya) istehsalı sektoruna qarşı dövlət nəzarətinin kəskin güclənməsinin bir hissəsidir.
Macarıstan hazırda Çin korporasiyalarının (məsələn, batareya nəhəngi CATL və BYD) Avropadakı əsas investisiya plasdarmıdır. Lakin yerli əhalinin və ekoloji qrupların yeraltı su qaynaqlarının zəhərlənməsi və litium-ion batareya tullantıları ilə bağlı artan etirazları, rəsmi Budapeşti Çin investisiyalarına qarşı ekoloji yoxlamaları və cərimələri sərtləşdirməyə məcbur edir.
MONETAR.AZ
